जनकपुर । प्रदेश २ को विभिन्न जिल्लामा मंगलबार ४९ जनामा कोरोना संक्रमण पुष्टि भएको छ भने विभिन्‍न अस्पतालमा उपचारार्थ एवं होम आइसोलेशनमा बसिरहेका १२२ जना कोरोना संक्रमणमुक्त भएका छन् ।

धनुषामा छ जना, सिरहामा ४० जना र रौतहट, पर्सा तथा सप्तरीमा एक-एक जनाको दरले संक्रमित थपिएका छन् । 

यता विभिन्‍न अस्पतालमा उपचारार्थ तथा होम आइसोलेसनमा रहेका १२२ जना संक्रमित कोरोना संक्रमणमुक्त भएको सामाजिक विकास मन्त्रालयले जनाएको छ । एक सय तीन जना पुरुष र १९ जना महिला कोरोनामुक्त भएका हुन् ।