जनकपुर । प्रदेश २ को सप्तरीमा कोरोना संक्रमण भएका दुई जनाको मृत्यु भएको छ । 

सप्तरीको विष्णुपुर गाउँपालिका -३ की ६२ वर्षीया महिला र सोही गाउँपालिका -१ का ५५ वर्षीय पुरुष गरी दुई जनाको मृत्यु भएको सामाजिक विकास मन्त्रालयले पुष्टि गरेको छ । 

सोमबार प्रदेशका विभिन्‍न जिल्लामा ७६ जना नयाँ संक्रमित थपिएका छन् । महोत्तरीमा १४ जना, रौतहटमा २६ जना, सर्लाहीमा सात जना, बारामा दुई जना, पर्सामा एक जना र सप्तरीमा २४ जनामा कोरोना संक्रम भएको मन्त्रालयले जनाएको हो ।

प्रदेशमा सोमबारसम्म कुल संक्रमितको संख्या १३ हजार २२ पुगेको छ । तीमध्ये १२२ जनाको मृत्यु भएको छ भने सात हजार ९३ जना कोरोनामुक्त भएको मन्त्रालयले पुष्टि गरेको छ ।