जनकपुर । प्रदेश २ का विभिन्न जिल्लामा बिहीबार एक सय १५ जना कोरोना संक्रमित थपिएका छन् । 

धनुषामा १४ जना, महोत्तरीमा दुई जना, सिरहामा १२ जना, सर्लाहीमा पाँच जना, बारामा नौ जना, पर्सामा १७ जना, रौतहटमा सात जना र सप्तरीमा ४९ जना कोरोना संक्रमितको सामाजिक विकास मन्त्रालयले पुष्टि गरेको छ । 

बिहीबार थपिएका एक सय १५ समेत प्रदेशमा कुल संक्रमितको संख्या १२ हजार छ सय चार पुगेको छ । ती मध्ये पाँच हजार छ सय ४१ एक्टिभ केस रहेको मन्त्रालयले जनाएको छ । 

प्रदेशमा अहिलेसम्म कोरोना लागेका एक सय १३ जनाको मृत्यु भएको छ भने छ हजार आठ सय ५० जना कोरोनामुक्त भएका छन् । बिहीबार ५२ जना कोरोनामुक्त भएर अस्पतालबाट डिस्चार्ज भएका छन् ।