
जनकपुर । प्रदेश २ का विभिन्न जिल्लामा शुक्रबार ४८ जना कोरोना संक्रमित थपिएका छन् ।
सिरहा कारागारमा १९ जना र लहान नगरपालिकामा तीनजना गरी जिल्लामा २२ जना कोरोना संक्रमित थपिएका छन् । त्यस्तै, बारामा एक जना, पर्सामा एक जना र सर्लाहीमा पाँच जना संक्रमित भएका छन् । शुक्रबार रौतहटमा छ र सप्तरीमा १३ जना संक्रमित थपिएको सामाजिक विकास मन्त्रालयले जनाएको छ ।
प्रदेशमा शुक्रबार २२ जना संक्रमित निको भएर अस्पतालबाट डिस्चार्ज भएका छन् । प्रदेशका कुल संक्रमित ११ हजार ७१३ जनामध्ये छ हजार २६९ जना कोरोनामुक्त भइसकेका छन् भने एक सय आठ जनाको मृत्यु भएको छ ।
थप एकको मृत्यु
शुक्रबार कोरोना संक्रमित एक जनाको मृत्यु भएको छ । महोत्तरीको मनरासिसबा नगरपालिकाको बथनाहा घर भई हाल जनकपुर बस्दै आएका ६५ वर्षीय एक पुरुषको मृत्यु भएको मन्त्रालयले पुष्टि गरेको छ ।