एजेन्सी । चर्चित हलिउड सिरिज ‘ग्रली’ की अभिनेत्री नाया रिभेरा दक्षिणी क्यालिफोर्नियाको तालमा बेपत्ता भएपछि उनको मृत्यु भएको अनुमान गरिएको छ ।
उनको मृत्युको आशंका गर्दै भेन्चुरा काउन्टी सिरिफ अफिस बताउँछ, “दुर्घटना भएपछि उनी तालमा डुबेकी छिन् कि भन्ने अनुमान लगाइरहेका छौं ।” अभिनेत्रीको खोजी र उद्धार प्रयास अब रिकभरी अपरेसनमा सरेको पनि पत्रकार सम्मेलनमा जानकारी दिइएको छ ।
काउन्टीका डायरले भने, “लक्ष्य अझै पनि रिवेरालाई फर्काउने नै छ ।” ३३ वर्षीया रिवेरा बुधबार साँझ पेरु तालबाट हराएकी हुन् । उनी आफ्नी चार वर्षीय छोराका साथ त्यहाँ गएकी थिइन् ।
रिवेराले भाडामा लिएर गएको पोन्टोन डुंगाका कर्मचारीहरुले डुंगा भने पेरुको उत्तरको छेउमा भेटाएका थिए । कर्मचारीले डुंगा भेटाउँदा उनका चार वर्षीय छोरा एक्लै थिए । तर रिवेरा भने भेटिइनन् र एउटा लाइफज्याकेट मात्रै भेटाएको रेस्क्यु टिमले जानकारी दिएको छ ।
उनको खोजी बुधबार राति १० बजेसम्म जारी थियो । यस्तै बिहीबार दिनभर पनि खोजी जारी रहेको रेस्क्यु टिमले जनाएको छ । साथै आवश्यक परे उनको खोजी जारी राख्ने समाचारमा जनाइएको छ ।
रिवेराले २००९ देखि ६ वर्षसम्म फक्स च्यानलबाट प्रसारण हुने म्युजिकल कमेडी ड्रामा सान्तना लोपेजको भूमिका निभाएकी थिइन् ।
यस्तै उनले सीबीएस सिटकमको‘द रोयल फ्यामिली’ र कमेडी चलचित्र ‘द मास्टर अफ डिस्वाइज’ मा पनि अभिनय गरेकी थिइन् । (सीएनएन)
