काठमाडौं । राष्ट्रिय लोक तथा दोहोरीगीत प्रतिष्ठान नेपालले मौलिक गीतसंगीतमा छाडा प्रवृत्ति भित्रिएको तथा गीतहरु चोरी भइरहेको भन्दै प्रतिलिपि अधिकार रजिष्टारको कार्यालयको ध्यानाकर्षण गराएको छ । 

रजिष्टारको कार्यालय पुगेर आज प्रतिष्ठानले मौलिक चाडपर्व विशेषका गीतमा विकृति देखिएको, बौद्धिक सम्पत्तिका रुपमा रहेका गीतसंगीत चोरी भइरहेको तर सम्बन्धित कलाकारलाई ध्यानाकर्षण गराउँदा अटेर गरेको भन्दै ज्ञापनपत्र बुझाएको हो ।

लोकगीत संगीतमा विकृति भित्रिएको भन्दै यसलाई तत्काल अन्त्य गर्न प्रतिष्ठानले माग गरेको छ । खुलमखुला गीतसंगीत चोरी भएको भन्दै चोरी गर्नेलाई सजायको भागीदार बनाउन प्रतिष्ठानको आग्रह छ ।