काठमाडौं ।  काठमाडौं महानगरपालिका–१६ शेषमती पुल क्षेत्रबाट लुटपाट गरेर भाग्दै गरेको अवस्थामा तीनजना पक्राउ परेका छन् । पक्राउ पर्नेमा धादिङ घर भई काठमाडौं महानगरपालिका कलंकी बस्ने २१ वर्षीय सौरभ क्षेत्री लगायत छन् ।

उनीहरुलाई तारकेश्वर नगरपालिका–५ गोलढुङ्गा बस्ने ५० वर्षीय पुरुषको नगद ५ हजार १२५ रुपैयाँ र १ थान स्यामसुङ मोबाइल लुटी भाग्दै गरेको अवस्थामा पक्राउ गरिएको प्रहरीले जनाएको छ ।

बालाजु माछापोखरीबाट घर जाने क्रममा ती पुरुषको साथबाट उक्त नगद तथा मोबाइल लुटी भाग्दै गरेको अवस्थामा महानगरीय प्रहरी वृत्त बालाजुबाट खटिएको प्रहरीले उनीहरूलाई पक्राउ गरेको हो ।