काठमाडौं । काठमाडौंको वसन्तपुर क्षेत्रमा युवाहरुले आज सरकारको विरोधमा प्रदर्शन गरेका छन् । प्रदर्शनमा आएका युवाहरु सामाजिक दूरी कायम गर्ने प्रयासमा पनि थिए । 

मुलुकमा भ्रष्टाचार नरोकिएको, लकडाउन कडा बनाएर जनतालाई कर तिर्न दबाब दिएको भन्दै विरोध प्रदर्शन गरिएको थियो । शुक्रबार (आज) भएको प्रदर्शनमा पनि सरकारविरोधी नारा लगाइएका थिए । सरकारको विरोधमा हिजोदेखि युवाहरुले देशव्यापी प्रदर्शन थालेका छन् । 

सामाजिक दूरी कायम गरी भएको प्रदर्शनमा युवाको  सहभागिता उल्लेख्य थियो । प्रदर्शनमा ‘१० अर्ब खोइ ?’, ‘हामी भोट दिन्छौं, सरकार चोट दिन्छ’ लगायत नारा लगाइएका थिए । हेरौं वसन्तपुरमा सरकारको विरोधमा गरिएको प्रदर्शनका थप तस्बिर :