चितवन । भरतपुरस्थित कोरोना विषेश अस्पतालमा उपचाररत एक युवकको मृत्यु भएको छ । उनको आज मंगलबार विहान ७ बजे उपचारका क्रममा मृत्यु भएको अस्पतालले जानकारी दिएको छ । 

अस्पतालका प्रवक्ता डाक्टर भोजराज अधिकारीअनुसार उच्च ज्वरो र निमोनियाले ग्रसित वीरगन्जका ३० वर्षीय एक युवक रहेका छन् ।

“बिरामी पहिलेदेखि दीर्घरोगी थिए । उनलाई निमोनिया देखिएको थियो,” डा. अधिकारीले भने ।

बिरामी आइतबार राति १० बजे चितवन मेडिकल कलेजबाट रिफर भएर आएको उनले जानकारी दिए । 

उनको स्वाब सोमबार राति संकलन गरिए पनि आज मात्रै विमानमार्फत काठमाडौं पठाइएको छ ।