काठमाडौं । परराष्ट्रमन्त्री प्रदीप ज्ञवालीले एक समारोहबीच स्रष्टा शान्ति शर्माको मुक्तकसंग्रह ‘बार्दलीमा जून’ सार्वजनिक गरेका छन् । 

काठमाडौंमा शुक्रबार आयोजित कार्यक्रममा पुस्तक सार्वजनिक गर्दै मन्त्री ज्ञवालीले शान्ति शर्माको मुक्तकीय सौन्दर्यको चर्चा गरे ।

कार्यक्रममा प्राज्ञ डा. देवी नेपालले शान्ति शर्माको मुक्तकमा प्राकृतिक सौन्दर्य भरपुर रहेको बताए । अर्का वक्ता मुक्तक लेखक तथा गजलकार ज्ञानुवाकर पौडेलले शर्माको लेखनको प्रशंसा गरे । घोस्ट राइटिङ नेपालका कमल ढकालको सभापतित्वमा सम्पन्न उक्त कार्यक्रममा प्रा. कुमार कोइराला, शान्ति शर्मालगायतले बोलेका थिए ।
(तस्बिर : शान्ति शर्माको फेसबुकबाट)