माले । भारतले माल्दिभ्सबाट आधाभन्दा बढी सेना आजको डेडलाइन अघि नै फिर्ता गरेको छ ।  

गत वर्ष माल्दिभ्समा चीन निकटस्थ राष्ट्रपति मोहम्मद मुइजु राष्ट्रपति पदमा निर्वाचित भएपछि भारतीय सेना माल्दिभ्सबाट हटाउने प्रतिबद्धता जनाएका थिए । 

उनले चुनावी नारा नै यही बनाएका थिए । सोही नारामा उनको पार्टीले यसपालि संसदीय निर्वाचनमा पनि दुई तिहाई मत ल्याएको थियो । राष्ट्रपति मुइजुका प्रवक्ता हिना वालिडले गएको सोमबार सम्ममै ५१ जना भारतीय सेना फिर्ता भइसकेका छन् । 

उनले आज शुक्रबार सम्ममा सबै भारतीय सेना फिर्ता हुने जनाएकी छन् । माल्दिभ्समा जम्मा ८९ जना भारतीय सैनिक रहेको बताइएको थियो । हिजोदेखि भारतको भ्रमणमा रहेका माल्दिभ्सका विदेशमन्त्री मुसा जमीरले भारत र माल्दिभ्सको रक्षा सम्बन्ध मिलिटरी पर्सनल बिना नै अब अघि बढ्ने बताएको इकोनोमिक्स टाइम्सले जनाएको छ ।