न्युयोर्क । हलिउड लिजेन्ड १०३ वर्षीय किर्क डगलसको निधन भएको छ । सात दशकसम्म हलिउडमा आफ्नो करिअर बिताएका डगलसको बुधबार राति निधन भएको हो । 

सन् १९१६ मा न्युयोर्कमा जन्मिएका डगलसले सन् १९४९ मा ओस्कारका लागि मनोनयमा परेका थिए । 

उनी ओस्कार विजेता कलाकार माइकल डगलसका पिता हुन् । माइकलले एक वक्तव्य जारी गर्दै भनेका छन्, "आज किर्क डगलसले हामीले छोडेर गएको बताइरहँदा म र मेरो भाइ अत्यन्तै दु:खी छौं ।"

उनले ९० भन्दा बढी चलचित्रमा काम गरेका छन् । उनको सर्वाधिक चर्चित चलचित्र स्पार्टकस हो । - बीबीसी