एजेन्सी । अफगानिस्तानको राष्ट्रिय क्रिकेट टिममा राशिद खान कप्तान नियुक्त भएका छन् । अफगानिस्तान क्रिकेट बोर्डले शुक्रबार राशिदलाई कप्तानीको जिम्मेवारी दिएको हो ।

अफगानिस्तानले तत्कालीन कप्तान गुल्बदीन नाइबलाई बर्खास्त गरेर राशिदलाई कप्तानको जिम्मेवारी दिएको हो । २० वर्षे राशिदले अब एकदिवसीय, टी-ट्वान्टी र टेष्ट क्रिकेटको कप्तानी गर्ने छन् ।

इङ्ल्यान्डमा भर्खरै सम्पन्न आईसीसी एकदिवसीय विश्वकप क्रिकेटमा खराव प्रदर्शन गरेको भन्दै गुल्बदीनलाई हटाएर उनलाई कप्तान बनाएको हो ।

अफगानिस्तानले विश्वकप सुरु हुनु भन्दा पहिले अस्घर अफगानलाई हटाएर गुल्बदीनलाई कप्तानको जिम्मेवारी दिएको थियो । गुल्बदीनलाई पनि हटाएर हाल राशिदलाई कप्तानको जिम्मेवारी दिएको हो ।