दाङ । दाङमा बुधवार बेलुका भएको पिकअप भ्यान दुर्घटनामा परी दुई जनाको घटनास्थलमै मृत्यु भएको छ।

दुर्घटनामा परी पाँच जना घाइते भएका छन्। लु १ च ५९१२ नम्बरको पिकअप भ्यान तुलसीपुर उपमहानगरपालिका- १९ बाहिरी सक्राममा दुर्घटना हुँदा चालक ३५ बर्षीय लालबहादुर वली र तुलसीपुर १९ बाँसगढी निवासी ५५ बर्षीय अम्मरबहादुर वलीको घटनास्थलमै मृत्यु भएको छ।

दाङ जिल्ला प्रहरी प्रवक्ता एवं डिएसपी रामप्रसाद घर्तीका अनुसार बेलुका सवा ६ बजेतिर भएको उक्त दुर्घटनामा परी पाँचजना घाइते भएका छन्। जसमध्ये तुलसीपुर-१९ छिल्लीकोट निवासी १६ बर्षीय लिलाबहादुर विकको अवस्था गम्भीर छ।

अन्य घाइतेहरुमा छिल्लीकोट निवासी ४४ बर्षीय कर्णबहादुर खड्का, घोराही उपमहानगरपालिका-१५ रतनपुर निवासी २२ बर्षीया सपना सिंह ठकुरी र उनका दुईवटा एक महिने र ४ वर्षका छोराहरु घाइते भएको घर्तीले जानकारी दिए। घाइतेहरुको राप्ती प्रादेशिक अस्पताल तुलसीपुरमा उपचार भइरहेको छ।