काठमाडौं । जलविद्युत् लगानी तथा विकास कम्पनी लिमिटेड (एचआईडीसीएल) को चालु आर्थिक वर्षको पहिलो त्रैमाशमा नाफा बढेको छ ।

कम्पनीले चालु आवको पहिलो त्रैमाशमा १० करोड ४७ लाख रुपैयाँ नाफा गरेको छ । गत आवको सोही अवधिमा कम्पनीले ८ करोड ७८ लाख रुपैयाँ नाफा गरेको थियो । मंगलबार सार्वजनिक गरेको चालु आवको पलिहो त्रैमाशको वित्तीय विवरण अनुसार गत आवको तुलनामा चालु आवमा कम्पनीको नाफा २ करोड रुपैयाँ बढेको छ । गत आवमा कम्पनीले कुल २५ करोड ४० लाख रुपैयाँ नाफा गरेको थियो । कम्पनीको प्रतिसेयर आम्दानी ४ रुपैयाँ छ ।