काठमाडौं । अमेरिकी राष्ट्रपति डोनाल्ड ट्रम्पको सरकारले संसद्सँग आगामी १० वर्षका लागि मेक्सिकोमा पर्खाल लगाउन १८ अर्ब डलर माग गरेको छ । चुनावका बेला ट्रम्पले सीमामा पर्खाल बनाउने पैसा मेक्सिकोबाटै असुल्ने दाबी गरेका थिए ।

द वासिङटन पोस्टको अनलाइन संस्करणमा प्रकाशित समाचारअनुसार ट्रम्प प्रशासनले ३१६ माइल लामो पर्खाल निर्माण गर्न र ४०७ माइल लामो तारबार बलियो बनाउन खर्च गरिनेछ । बेलैमा काम सकियो भने सन् २०२७ सम्ममा मेक्सिको — अमेरिका सीमामा २००० माइल कुनै न कुनै प्रकारको पर्खाल खडा हुनेछ । 

डेमोक्याट्रिक पार्टीका सांसदहरूले यसको विरोध गरेको पनि समाचारमा उल्लेख छ ।