काठमाडौं । उत्तर कोरियाका सम्पूर्ण जनताले आज नेता किम जोङ उनका पिता किम जोङ इलको छैठौँ पुण्यतिथिलाई शोकसभा आयोजना गरेर मनाएका छन् । 

२०११ मा आजको दिन उनका पिताको मृत्यु भएको थियो त्यसैकारण आज त्यहाँ देशभर शोकसभा मनाइएको बताइएको छ । ६९ वर्षको उमेरमा हृदयघातका कारण किम जोङ इलको निधन भएको थियो । त्यसै दिनदेखि उत्तर कोरियामा किमले शासन गर्दै आइरहेका छन् ।

नेता किमले यस दिनका लागि भनेर विशेष नियम बनाएका छन् । यस दिनमा अधिकांश उत्तर कोरियाली जनताहरु प्योङयोङ मान्सु पहाडसम्म हिँड्दै जाने गरेका छन् । शोकमय वातावरण उत्पन्न गराउन बाटोभरि शोकमग्न संगीत बजाइने गरिएको डेलीमेलले बताएको छ । 

उक्त पहाडको उचाइमा जोङ इलको भव्य मूर्ति बनाइएको छ जहाँ सबै सर्वसाधारणहरु गएर शिर झुकाउने र पाउमा फूल राखिदिने गर्दछन् ।  गत वर्षहरुमा भन्दा यस वर्षको मौन सभालाई थोरै कडा गरिएको भएपनि शासक किमका डरले मानिसहरुले नियम पालन गर्न छाडेका छैनन् । 

यस विशेष दिनमा उत्तर कोरियाका सबैलाई मीठो खानपिन गर्न, रमाइलो गर्न, मनोरञ्जनात्मक गतिविधिमा सहभागी हुन निषेध गरिएको हुन्छ । अघिल्लो दिनदेखि नै मानिसहरुलाई रमाइलो गर्न र हाँस्नमा प्रतिबन्ध लगाइएको हुन्छ । यस अवसरमा हरेक वर्ष किमले पिताका नाममा मिसाइल वा रकेट फायर गर्ने गरेका छन् । 

किमले यस वर्षपनि यस परम्परालाई जारी राख्नेछन् भनेर विश्वविद्हरुले भने गम्भीर चिन्ता व्यक्त गरिरहेका छन् । यस अघिका सबै वार्षिकोत्सवमा किमले यस्तो गर्ने गरेकाले पनि यसले चिन्ता बढाइरहेको बताइएको छ । 

उत्तर कोरियाले विशेष रुपमा मनाउने गरेको यस शोकसभाका बारेमा धेरै अनौठा खुलासा भएको थियो । 

२०१२ मा जोङ इलको मृत्यु भएपछि किमको हातमा सम्पूर्ण ताकत आएको थियो । त्यसैले त्यस समय जोङ इलको निधनमा नरुने नागरिकलाई किमले लेबर क्याम्पमा सजाय दिएको खबर बाहिर आएको थियो । 

यस खबरले धेरैलाई आश्चर्यमा पारेको थियो किनकी त्यसबेला सार्वजनिक गरिएका सबै तस्बिर र भिडियोहरुमा उत्तर कोरियाका जनता अत्यन्तै दुःखी हुँदै कराउँदै रुँदै गरेकोे देखिएको थियो । डेली मेलले बताएअनुसार गम्भीर भएर शोकसभामा सहभागी नुहुने नागरिकलाई पनि कडा कारवाही गर्न किमको निर्देशन थियो । त्यसैकारण पनि हजारौँ नागरिक हप्तौँसम्म रोइरहेको तस्बिरहरु सार्वजनिक गरिएको बताइन्छ ।