काठमाडौं । वि।स।२०७२ वैशाख १२ गतेको बिनाशकारी भुकम्पलाई मुुख्य कथानक बनाएर निर्माण गरिएको चलचित्र ‘माई लभ’ ले जापान लैजाने अफर सार्वजनिक गरेको छ । 

‘माई लभ’ हेरिसकेका दर्शकमध्ये गोलाप्रथाद्वारा एक जना दर्शकलाई जापान लैजाने निर्माण पक्षले जनाएको छ । यसका लागि चलचित्र हेरेका दर्शकले टिकट नं र हलको नाम ‘माई लभ’ को फेसबुक पेजमा ट्याग वा इन्बक्स गर्नुपर्नेछ । यसरी फेसबुक पेजमा टिकट नम्बर र हलको नाम इन्बक्स गर्नेमध्येबाट निर्माण टिमले गोलाप्रथा गरी एक जना भाग्यशाली दर्शक छान्ने छ । ती भाग्यशाली दर्शलाई आगामी अप्रिल २५ तारिकमा जापानमा हुन लागेको ‘माई लभ’ को प्रिमियरमा सहभागी गराइने छ ।

पात्रको प्रेममा भूकम्पले पारेको प्रभावसंग गरेको संघर्ष फिल्मको मुल द्वन्द्व हो । भूकम्पपछी अन्तर्राष्ट्रिय समूदाय, खास गरी जापानले देखाएको सहानुभूती र सहयोगको कथा समेत चलचिमा समेटिएको छ । 

चलचित्र ‘माई लभ’ जापानी फिल्म मेकर तोसिआकी इतोहले निर्देशन गरेका हुन् । गणेश लामा, शितल श्रेष्ठ, रिवन मित्सुतानी लगायतका कलाकारको अभिनय रहेको छ । 
चलचित्र यही मंसीर २९ गते रिलिज हुँदैछ ।