काठमाडौं । बलिउडमा हरेक कलाकारको कोही न कोही आर्दश हुन्छ । अभिनेता टाइगर श्राफ ऋतिक रोशनलाई आफ्नो आर्दश मान्दछन् । 

आफुले आदर्श मानको व्यक्तिसँग फिल्ममा अभिनय गर्नु कुनै सपना भन्दा कम हँुदैन । यसैबीच ऋतिक रोशन र टाइगर श्राफ यशराज फिल्म्सको आगामी ‘अनटाइटल्ड’ फिल्ममा पहिलो पटक एक साथ काम गर्न गइरहेका छन् । अभिनेता टाइगर श्राफले आफ्ना आदर्श ऋतिक रोशनका साथ काम गर्नु आफ्ना लागि सपना सत्य सावित भए सरह भएको प्रतिक्रिया दिएका छन् । 

यो फिल्मको निर्देशन सिद्धार्थ आनन्दले गर्ने बताइएको छ । उनले ऋतिकका साथ बैंग–बैंगमा काम गरिसकेका छन् । फिल्ममा ऋतिक रोशन र टाइगर श्राफका साथै वाणी कपूर पनि विशेष भूमिकामा देखिने भएकी छन् । एक्शनले भरिपूर्ण रहने यो फिल्म २६ डिसेम्बर २०१९ मा रिलिज हुने बताइएको छ ।