काठमाडौं । धर्मेन्द्र, सनी देओल र बबी देओल अभिनित चलचित्र ‘यमला पगला दिवाना’ बक्स अफिसमा हिट भएको थियो । चलचित्रलाई निकै मन पराइएको थियो । चलचित्रको दोस्रो भाग औसत ओपनिङका साथ फ्लप भएको थियो । 

अब देओल परिवार चलचित्रको तेस्रो भाग लिएर आएका छन् । चलचित्र ‘यमला पगला दिवाना–३’ फ्लोरमा आइसकेको छ । हैदराबादमा १० अगस्टदेखि चलचित्रको सुटिङ सुरु भएको छ । चलचित्रको सेटबाट पहिलो तस्विर पनि सार्वजनिक भएको छ ।

यो तस्विरमा बबी देओल र धर्मेन्द्र एकै साथ देखिएका छन् । चलचित्रको निर्देशक पंजाबी चलचित्र निर्माता नवनीत सिंहले निर्देशन गरेका छन्, प्रोडक्सनको जिम्मा भने सनी देओलले सम्हालेका छन् । यो चलचित्र पनि विगतका दुई चलचित्रजस्तै कमेडी र भावनात्मक हुनेछ ।

फिल्मीबिटका अनुसार चलचित्रमा बबी देओलको अपोजिट काजल अगग्रवाललाई फाइनल गरिएको छ ।