काठमाडौं । कलर्स टेलिभिजनमा प्रसारित चर्चित टेलीश्रृङ्खला ‘नागिन’ मार्फत चर्चामा आएकी अभिनेत्री मौनी राय अब बलिउड चलचित्रमा देखिने भएकी छन्  ।  सलमान खानसँग ‘डेब्यु’ गर्ने हल्ला केहि समयदेखि बलिउडमा चल्दै  आएको थियो ।

अब मौनीले अक्षय कुमारसँग डेब्यु गर्दै आफ्नो बलिउड करियर प्रारम्भ गर्ने भएकी छिन् । ‘गोल्ड’ मार्फत बलिउडमा कदम राख्ने तयारीमा रहेकी उनले यस अघि तेलगु फिल्ममा समेत अभिनय गरेकी छन् । यो चलचित्र ‘गोल्ड’को कथा हकी खेलसँग सम्बन्धित छ, जुन अक्षय कुमारले अभिनय गर्न लागेको अर्को बायोपिक हो । 

इन्डियन एक्सप्रेसका अनुसार यो पिरियड ड्रामा सन् १९४८ को लन्डन ओलम्पिकमा आधारित छ । चलचित्रको प्लट कसरी स्वतन्त्र भारतले आफ्नो पहिलो स्वर्णपदक हक्कीमा जितेको हो भन्नेबारेमा छ ।