काठमाडौं । बुधबार निर्वाचन सम्पन्न ३ सय ३४ स्थानीय तहमध्ये अधिकांश स्थानीय तहमा मतगणना शुरु भएको छ । हालसम्म मतगणना सार्वजनिक भएका १०८ तहको प्रारम्भिक मतपरिणाम अनुसार ४७ मा कांग्रेसले अग्रता लिएको छ ।
त्यसैगरी एमालेले ३४, माओवादीले १८ तथा फोरम लोकतान्त्रिकले ३ स्थानमा अग्रता कामय राखेको छ भने राप्रपाले पनि १ स्थानमा अग्रता लिएको छ । यता संघीय समाजबादीले ३ स्थानमा अग्रता लिएको छ भने धनगढी उपमहानगरपालिकामा स्वतन्त्र उमेदावर गोपाल हमालले अग्रता लिएका छन् ।
प्रदेश नं १ मा कांग्रेसले १७ तहमा अग्रता लिएको छ भने एमालेले ११ स्थानमा अग्रता कायम गरेको छ । तेस्रो स्थानमा रहेको माओवादी केन्द्रले ५ स्थानमा अग्रता लिएको छ । प्रदेश नं ५ मा कांग्रेसले १७, एमालेले १२ र माओवादी केन्द्रले ८ तथा संघीय समाजवादी फोरमले ४ तथा फोरम लोकतान्त्रिकले ४ स्थानमै अग्रता लिएको छ ।
प्रदेश नं ७ मा कांग्रेसले १३ तह, एमालेले ११ र माओवादी केन्द्रले ५ स्थानमा अग्रता लिएको छ । धनगढी उपमहानगरपालिकामा स्वतन्त्र उमेदवार गोपी हमालले अग्रता लिएका छन् । अन्य स्थानमा पनि प्रारम्भिक नतिजा आउन सुरु भएको छ ।