काठमाडौं । आज पनि प्रतिनिधिसभा र राष्ट्रिसभाका ६३ सांसदको पीसीआर परीक्षणका लागि थ्रोट स्वाब संकलन गरिएको छ ।

प्रतिनिधिसभाका ५३ र राष्ट्रियसभाका १० गरी ६३ जनाको आज स्वाब संकलन गरिएको हो । बजेट अधिवेशन सुरु हुनुअघि हिजोबाट सांसदहरूको स्वाब संकलन भइरहेको छ । हिजो २१२ सांसदको स्वाब संकलन गरिएको थियो । 

हिजो प्रतिनिधिसभाका १७९ र राष्ट्रियसभाका ३३ गरी २ सय १२ सांसदको स्वाब संकलन गरिएको थियो । अहिलेसम्म प्रतिनिधिसभातर्फ २ सय ३२ र राष्ट्रियसभातर्फ ४३ जनाको स्वाब संकलन गरिएको छ । 

बजेट अधिवेशन सुरु हुनुअघि सांसदहरूको स्वास्थ्य परीक्षण गरिएको हो । अहिलेसम्म संघीय संसदका सांसद, कर्मचारी, मर्यादापालक र सुरक्षाकर्मी गरी ६ सय ९२ जनाको स्वाब संकलन भएको छ । हिजो ४४१ र आज २५१ जनाको स्वाब संकलन भएको संसद सचिवालयले जनाएको छ ।

अझै ५४ सांसदको स्वाब संकलन हुन बाँकी छ । आजबाट संसदको बजेट अधिवेशन सुरु हुँदै छ । अधिवेशन सुरु हुनुअघि नै सांसदरुको रिपोर्ट आउनेछ । स्वास्थ्य रिपोर्ट देखाएर मात्रै संसद भवनमा सांसद, कर्मचारी र सुरक्षाकर्मीलाई प्रवेश दिइनेछ ।