नयाँदिल्ली । भारतले लकडाउन बढाएको दोस्रो दिन ३ मेसम्मका लागि नयाँ लकडाउन निर्देशिका जारी गरेको छ । भारतीय प्रधानमन्त्री नरेन्द्र मोदीले मंगलबार राष्ट्रका सम्बोधन गर्दै ३ मेसम्मका लागि लकडाउने बढाउने घोषणा गरेको थिए । 

नयाँ निर्देशिकाअनुसार २० अप्रिलपछि सम्पूर्ण कृषि र खेतिपातिका गतिविधि गर्न अनुमति दिइने भएको छ । त्यसैगरी अत्यावश्यक स्वास्थ्य सामग्री र आपतकालीन कामदारहरुलाई आवतजावत गराउने सवारीहरुलाई जान दिए पनि सार्वजनिक यातायात, विमान र रेल सेवा अवरुद्ध भने नियमित हुनेछन् । 

विद्यालय, विश्वविद्यालय, धार्मिक स्थलहरु र खेलकुद गतिविधिहरु पनि बन्द हुनेछन् । अस्पताल र स्वास्थ्य सेवा नियमित सञ्‍चालन हुनेछन् । 

प्रधानमन्त्री मोदीले मंगलबार २० अप्रिलसम्म लकडाउनको मूल्यांकन गर्दै थप कदम चाल्ने बताएका थिए । भारतमा यसअघि घोषणा गरिएको लकडाउन १४ अप्रिलमा सकिएको थियो । 

भारतमा हालसम्म कोरोना संक्रमितको संख्या ११ हजार ४८७ पुगेको छ भने ३७३ जनाको मृत्यु भएको छ । -बीबीसी