काठमाडौं । छिमेकी मुलुक भारतमा कोरोना भाइरसको संक्रमणबाट मृत्यु हुनेको संख्या १९९ पुगेको छ । स्वास्थ्य मन्त्रालयले भारतका विभिन्न क्षेत्रमा अहिलेसम्म एक सय ९९ जना कोरोना संक्रमितको मृत्यु भएको पुष्टि गरेको छ । 

स्वास्थ्य मन्त्रालयले जारी गरेको पछिल्लो तथ्यांकअनुसार भारतमा बिहीबार राति यता ३० जनाको मृत्यु भएको बीबीसीले जनाएको छ । बीबीसीका अनुसार पाँच सय ४७ जनामा संक्रमण देखिएको छ । 

योसँगै भारतमा कोराना भाइरस संक्रमितको संख्या ६ हजार चार सय १२ पुगेको छ । पाँच सय चारजना भने उपचारपछि घर फर्किएका छन् । भारतका महाराष्ट्र, तमिलनाडु र दिल्ली कोरोना भाइरसबाट बढी प्रभवित भएका छन् । 

बीबीसीका अनुसार महाराष्ट्रमा १३ सय ६४, तमिलनाडुमा आठ सय ३४ र दिल्लीमा सात सय २० कोरोनाका बिरामी देखिएका छन् । कोरनाका कारण महाराष्ट्रमा मात्रै ९७ जनाको मृत्यु भइसकेको छ ।  बीबीसी