कास्की । गण्डकी प्रदेश सरकारले स्थानीय तहलाई ६ करोड ५० लाख रुपैयाँ राहत स्वरुप दिने भएको छ । 

आज बसेको प्रदेश मन्त्रिपरिषद्‍को निर्णयअनुसार प्रदेशका ८५ स्थानीय तहहरुलाई ६ करोड ५० लाख रुपैयाँ राहतस्वरूप दिने भएको हो ।

निर्णायानुसार पोखरा महानगरपालिकालाई एक करोड रुपैयाँ, २६ नगरपालिकालाई प्रती नगरपालिका १० लाखका दरले दुई करोड ६० लाख रुपैयाँ र ५८ गाउँपालिकालाई पाँच लाखका दरले दुई करोड ९० लाख रुपैयाँ दिइने सरकारका प्रवक्ता एवं भौतिक पूर्वाधार विकासमन्त्री रामशरण बस्‍नेतले जानकारी दिए

यो रकम प्रदेश सांसदको सहभागितामा सरकारले गठन गरेको राहत तथा आपूर्ति समितिले वितरण गर्नेछ ।