काठमाडौं । नेकपा एमालेका अध्यक्ष केपी शर्मा ओलीले सरकार र मधेसी मोर्चाबीच भएको सहमतिका विषयमा लिखित हेरेपछि मात्रै एमालेले धारणा दिने बताएका छन् । एमाले संसदीय दलको कार्यालय सिंहदरबारमा बसेको बैठकमा ओलीले सांसद्हरूलाई त्यस्तो बताएका हुन् । उनले सहमतीको लिखित आएपछि कुन कदम चाल्नु पर्ने हो त्यो चाल्न एमाले तयार रहेको प्रतिक्रिया दिएका हुन् ।
त्यस्तै बैठकमा उनले जेठ १५ मा बजेट ल्याउनु संवैधानिक बाध्यता रहेकाले बजेट भाषणपछि चुनाव कुनै हालतमा गर्न नमिल्ने बताएका थिए ।
“उपयुक्त कारण आए जेठ १५ को बजेटको मिति संशोधन गर्न सकिन्छ । तर, उपयुक्त कारण चाहियो,” अध्यक्ष ओलीलाई उद्धृत गर्दै रामेश्वर फुयाँलले जानकारी दिए ।
आइतबारै प्रधानमन्त्री पुष्पकमल दाहाल र अध्यक्ष ओलीबीच ओली निवास बालकोटमा भेटवार्ता भएको थियो । भेटमा ओलीले निर्वाचन दुई चरणमा गर्नुपर्ने कारण र सहमतीको लिखत मागेका थिए ।