काठमाडौं । भारतले मे ५ मा ‘दक्षिण एशियाली उपग्रह’ प्रक्षेपण गर्ने भएको छ । नेपाल लगायत दक्षिण एशिया क्षेत्रका सबै देशहरु यो परियोजनाको हिस्सा भए पनि पाकिस्तान भनेको यसको हिस्सा नभएको बताइएको छ ।
भारतीय अन्तरिक्ष अनुसन्धान संगठन (इसरो)का अध्यक्ष ए. एस. किरण कुमारले भारतीय समाचार संस्था पीटीआईलाई बताएअनुसार मेको पहिलो सातामा प्रक्षेपण गर्ने योजना भएको बताए । तर गोप्य स्रोतलाई उद्धृत गर्दै पीटीआइले जनाए अनुसार यो संचार उपग्रह ५ मेमा प्रक्षेपण गर्ने योजना बनाएको छ । भारतको श्रीहरिकोटा स्थित अन्तरिक्ष केन्द्रबाट जीएसएलवी–०९ रकेटबाट सो उपग्रह प्रक्षेपण गरिनेछ ।
इसरो का कुमारले प्रक्षेपणका वेला २१९५ किलोग्राम तौलको यो उपग्रह १२ केयू–ब्याण्डको ट्रान्सपडसंगै लैजानेछ । सन् २०१४ मा काठमाडांैमा भएको सार्क शिखर सम्मेलनमा भारतले सो उपग्रह प्रक्षेपण गर्ने घोषणा गरेको थियो ।