काठमाडौं । ‘बाहुबली–२’ को रिलिजका लागि एक महिना बाँकी छ । यस्तो अवस्थामा एक पटक पुनः यो वर्षको सबैभन्दा बहुप्रतिक्षित चलचित्रले नयाँ रेकर्ड आफ्नो नाममा दर्ता गराएको छ । यो चलचित्र भारतको ६ हजार ५ सय स्क्रिनमा रिलिज हुनेछ । यो चलचित्रले इतिहास बनाएको छ ।
यो भारतको यस्तो पहिलो चलचित्र हो जसलाई यति ठूलो मात्रामा रिलिज हुने अवसर प्राप्त भएको छ । फिल्मीबिटका अनुसार ‘बाहुबली’को बजेट झण्डै २ सय करोड रहेको छ । यो चलचित्रको ट्रेलरले हालै इतिहास रचेको छ ।
यो ट्रेलर ८५ मिलियन भन्दा बढी पटक हेरिएकोे भारतीय चलचित्रको इतिहास हो । यसलाई हेर्दा ‘बाहुबली–२’ लाई सबैभन्दा बढी स्क्रिनमा रिलिज गरिँदैछ । यो चलचित्रलाई हिन्दी भाषामा ३ हजार ५ सय स्क्रिन, तमिल, तेलगु र मलयालमलाई ३ हजार स्क्रिन र ओभरसिजमा २ हजार स्क्रिनमा रिलिज गरिँदैछ ।
विश्वव्यापी रूपमा यो चलचित्रलाई ८ हजार ५ सय स्क्रिनमा रिलिज गरिँदैछ । यस चलचित्रका निर्माता करण जौहरले चलचित्रका बारे जानकारी दिए । उनले ‘बाहुबली–२’ भारतीय सिनेमाको इतिहासमा पहिलो पटक सबैभन्दा बढी ठूलो स्तरमा रिलिज हुन लागेको बताए ।
‘बाहुबली–२’ ले अन्य हिन्दी चलचित्रसँगै आफ्नै अघिल्लो भाग ‘बाहुबली’लाई समेत पछि पार्दै अघि बढेको छ । चलचित्रले नर्थ अमेरिकामा ७५० स्क्रिन पाएको छ । अन्य चलचित्रले पाउने स्क्रिनभन्दा निकै बढी हो । यो चलचित्र विश्वका ३० देशमा झण्डै १ हजार स्क्रिनमा रिलिज हुँदैछ ।
बाहुबली र बाहुबली २ लाई मिलाएर यो चलचित्रको पूर्ण बजेट ४५० करोड छ । यो कुनै पनि भारतीय चलचित्र भन्दा धेरै ठूलो हो । यो चलचित्रको थिएट्रिकल राइट्सलाई अमेरिकाका डिस्ट्रिब्युटर्स ग्रेटइन्डिया फिल्मस्लाई ७ मिलियन डलरमा बेचिएको छ ।
यो चलचित्रले नर्थ अमेरिकामा १५ मिलियन डलर फाइदा गर्ने अनुमान छ । सन् २०१५ मा रिलिज भएको बाहुबलीको ग्रस कलेक्सन ६५० करोडको भएको थियो । यसमा निर्माताको सेयर झण्डै २५० करोडको रहेको थियो ।
एसएस राजामौलीले बाहुबलीलाई पहिले एकै भागमा देखाउने निर्णय गरेका थिए । तर यो चलचित्रको कथा लामो थियो । यसै कारण ‘बाहुबली–२’ बनाइयो ।