पोखरा । संकटा क्लब पोखरामा जारी १५ औं आहा ! रारा गोल्डकपको क्वाटरफाइलनमा प्रवेश गरेको छ । शुक्रबार भएको खेलमा पाँच पटकको विजेता विभागीय टोली नेपाल पुलिस क्लबलाई २ – १ ले पराजित गर्दै संकटा क्वाटरफाइनलमा पुगेको हो ।  

पोखरा रंगशालामा भएको खेलमा सुरुवाती अग्रता जोगाउन नसक्दा पुलिस संकटासंग पराजित भएको हो । खेलको ३५ औं मिनेटमा रवि पासवानको गोलबाट पुलिसले सुरुवाती अग्रता लिएको थियो । तर, दोस्रो हाफमा पुलिसले दुई गोल खादै प्रतियोगिताबाट बाहिरियो । संकटाको जीतमा विश्व अधिकारीले ६४ औं र अनिल गरुङले ८७ औं मिनेटमा गोल गरेका थिए । 

संकटाले अब सेमिफाइनल प्रवेशको बंगलादेशको फरसह्गन्जसँग खेल्नेछ । साहारा क्लब पोखराको आयोजनमा जारी प्रतियोगिताको विजेताले ट्रफीसहित ५ लाख १ हजार एक तथा उपविजेताले २ लाख ५१ हजार एक रुपैयाँ जित्नेछन् ।