दाङ । नेपाली काँग्रेसका केन्द्रिय सदस्य डा. शेखर कोइरालाले सरकार अधिनायकवादतर्फ उन्मुख रहेको बताएका छन् । नेपाल प्रेस युनियन दाङ शाखाले आयोजना गरेको अन्तरक्रिया कार्यक्रममा कोइरालाले त्यस्तो बताएका हुन् । अराजकतातर्फ अगाडि बढिरहेको सरकारका गतिविधि लोकतन्त्रको बर्खिलापमा रहेको भन्दै उनले त्यसवाट रोक्नको लागि काँग्रेसले साउन १५ गतेदेखि आन्दोलन गर्न थालेको बताए । 

फरक प्रसंगमा नेता कोइरालाले डा. गोविन्द केसी कांग्रेस कार्यकर्ता नभएको बताए । “केसी एकजना सत्याग्रही हुन् र लोकतन्त्रमा अनसन बस्न पाउने अधिकार सबै नागरिकलाई छ,” कोइरालाले भने । उनले डा. गोविन्द केसीको माग सम्बोधन गर्न छोडेर सरकारका प्रमुखहरुले उल्टै दोषारोपण गर्दै हिँडेको भन्दै आपत्ति जनाए ।

उनले शेरबहादुर देउवा सरकारको पालामा पास गरेको अध्यादेश अहिलको सरकारले पनि जस्ताको त्यस्तै पास गर्नुपर्ने बताए ।