काठमाडौं । अर्थमन्त्री जनार्दन शर्माले संसदीय छानबिन समितिलाई सहयोग गर्न पदबाट राजीनामा दिएको बताएका छन् ।संसद् बैठकमा राजीनामा दिएको घोषणापपछि संसद् बाहिर पत्रकारहरूसँग उनले आफूले बजेट निर्माण गर्दा कुनैपनि गल्ती नगरेको दोहोर्‍याए । 

"मैले केही गल्ती गरेको छैन । जे विषय उठेको छ । त्यो विषयको सत्यतथ्य बाहिर ल्याउन मद्दत पुगोस् भनेर मैले राजीनामा दिएको छु । छानबिन हुन्छ, छानबिनले ल्याएका कुराहरू जनतासमक्ष आउँछ । सत्यतथ्य जनतासमक्ष आउँछ । मैले गरेको आत्माविश्वास के हो भन्ने कुरा त्यतिबेला प्रष्ट हुन्छ," उनले भने ।

अर्थमन्त्री शर्माले बजेट निर्माणमा अनैतिक काम भयो भनेर जनतामा भ्रम सिर्जना गर्ने काम भएकाले छानबिनपछि जनतामा भएको भ्रम हट्ने विश्वास व्यक्त गरे ।