काठमाडौं । नेकपा (एकीकृत समाजवादी)को केन्द्रीय परिषद्को प्रथम बैठक १५ बुँदे समसामयिक प्रस्ताव पारित गरेर सकिएको छ । बैठकले पार्टी अध्यक्ष माधव नेपालले प्रस्तुत गरेको राजनीतिक तथा सांगठनिक प्रतिवेदन पनि पारित गरेको छ । 

दुई दिनसम्म चलेको बैठकले सबै वामपन्थीहरूलाई एकताका लागि पनि आह्वान गरेको छ ।

"समाजवादी कार्यदिशा अङ्गालेका सम्पूर्ण वामपन्थी शक्तिलाई राष्ट्रिय हित, लोकतन्त्र, सामाजिक आर्थिक रुपान्तरण, सङ्घीयता, धर्मनिरपेक्षता तथा संविधानको रक्षाको लागि एकतावद्ध हुन यो बैठक आग्रह गर्दछ," प्रस्तावमा भनिएको छ ।

बैठकले अबको दुई महिना पार्टीलाई सबै स्थानमा सशक्त बनाउँदै सम्पूर्ण शक्ति प्रतिनिधिसभा र प्रदेश सभामा लगाउने निर्णय गरेको छ ।

बैठकले दैनिक उपभोग्य वस्तुको मूल्य अत्याधिक रूपमा वृद्धि भएको भन्दै दैनिक उपभोग्य वस्तुहरूको मूल्य नियन्त्रण गरी सुपथ मूल्यमा आपूर्ति गर्ने व्यवस्था मिलाउन र मल तथा बिउ बिजन आपूर्तिको व्यवस्था गनै माग गरेको छ । 

यस्तो छ १५ बुँदे समसामयिक प्रस्ताव :