काठमाडौं । काठमाडौं महानगरपालिका–२६, मित्रनगरस्थित क्याफेबाट एकथान कटुवा पेस्तोल र एकथान गोलीसहित दुईजना पक्राउ परेका छन् ।

पक्राउ पर्नेहरूमा नवलपरासीको बर्दघाट नगरपालिका–१४ का ३० वर्षीय राजु विक र बाँकेको खजुरा गाउँपालिका–१ की २१ वर्षीया अस्मिता विक रहेका छन् ।

गए राति प्रहरी प्रभाग गोंगबुबाट खटिएको टोलीले क्याफेमा खानतलासी गर्दा उनीहरूलाई उक्त पेस्तोल र गोलीसहित फेला पारी पक्राउ गरेको जनाइएको छ । घटना सम्बन्धमा प्रहरीले थप अनुसन्धान गरिरहेको छ ।