धनगढी । कञ्चनपुरको भीमदत्त नगरपालिकाको महेन्द्रनगर बजारमा अलकत्रा बोकेको ट्रकमा आगलागी भएको छ ।

सोमबार साँझ भएको आगलागीबाट ट्रक जलेर ध्वस्त भएको छ ।

बजारको ४ नम्बर गल्लीको दक्षिणतिर निङ्गलाशैली टेन्ट हाउस नजिकै सडक कालोपत्रे गर्ने काममा रहेको ट्रकमा आगलागी भएको हो ।

भीमदत्त नगरपालिकाको दमकल आएर आगो निभाउने प्रयास गरे पनि ट्रक जलेर ध्वस्त भएको छ । अहिले आगलागी नियन्त्रणमा आइसकेको छ ।

कुनै मानवीय क्षति भने नभएको प्रहरीले जनाएको छ।

जेडआईसी जेभी लामा कन्स्ट्रक्सनले महेन्द्रनगरमा सडक निर्माणको काम गरिरहेको छ । आज पार्क कुनादेखि आँखा अस्पताल रोडसम्म कालोपत्रे हुँदै थियो ।