काठमाडौं । सिटिजन्स बैंक इन्टरनेसनले धनुषाको क्षिरेश्वरनाथ नगरपालिका–१ रमदैया भवाडीमा शाखारहित बैंकिङ सेवा सुरु गरेको छ । बैंकले असार ३ गतेबाट ९४ औँ शाखारहित बैंकिङ सेवा सञ्चालनमा ल्याएको हो ।

देशका विभिन्न दुर्गम स्थलका बासिन्दालाई सर्वसुलभ तथा अत्याधुनिक बैंकिङ सेवा पुर्‍याउने उद्देश्यका साथ उक्त शाखारहित बैंकिङ सेवा विस्तार गरेको बैंकले जनाएको छ ।

बैंकले सो स्थानमा सेवा सञ्चालनका लागि स्थानीय व्यवसायी शम्भु यादवलाई व्यावसायिक प्रतिनिधि नियुक्त गरेको छ । यस शाखारहित बैंकिङबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवाहरूको रकम भुक्तानी लगायत बैंकले प्रदान गर्ने अन्य सेवाहरू उपलब्ध गराउने लक्ष्य राखेको  बैंकले जनाएको छ ।