काठमाडौं । बाराको आदर्श कोतवाल गाउँपालिका–६ पटेर्वा बस्ने प्रभुप्रसाद कुशवाहाको कटुपिटबाट मृत्यु भएको घटनामा संलग्न आरोपमा दुईजना पक्राउ परेका छन् । पक्राउ पर्नेहरूमा सोही ठाउँ बस्ने ५० वर्षीय किशोरी कुशवाहा र ५५ वर्षीय रामप्रवेश महतो रहेका छन् । 

किशोरी कुशवाहा, रामप्रवेश महतो र सोही ठाउँ बस्ने ५० वर्षीय हीरामण कुशवाहा समेतले जग्गा नाप्ने विषयमा विवाद भई कुटपिट गर्दा गम्भीर घाइते भएका प्रभु कुशवाहाको एनएमसी अस्पताल वीरगञ्जमा उपचारको क्रममा मृत्यु भएको थियो ।

इलाका प्रहरी कार्यालय महेन्द्र आदर्शबाट खटिएको प्रहरीले कुटपिटमा संलग्न किशोरी र राम प्रवेशलाई प्रहरीले पक्राउ गर्नुका साथै हाल फरार हीरामणको खोजी गरिरहेको जनाइएको छ ।