काठमाडौं । सहिद स्मारक ‘ए’ डिभिजन लिगको क्लब थ्री स्टारका मिडफिल्डर मनग्य नकर्मी भारतको खिदिरपुर स्पोर्टिङ क्लबमा अनुबन्धित भएका छन् ।

कोलकाता फुटबल लिग क्लब खिदिरपुरले मंगलबार मिडफिल्डर मनग्यसित सिजनको अन्त्यसम्मका लागि सम्झौता गरेको जनाएको छ । नेपाली यू–१६ टोलीका सदस्य मनग्य सन् २०१८ मा थ्री स्टारसँग अनुबन्ध भएका थिए । उनले सन् २०१९ मा नेपालको शीर्ष डिभिजन लिगमा डेब्यु गरेका थिए ।

मनग्यले थ्री स्टार र सरस्वती युथ क्लबबीचको खेलबाट सहिद स्मारक ‘ए’ डिभजिन लिगमा डेब्यु गरेका थिए । काठमाडौंमै सम्पन्न यू–१५ साफ च्याम्पियनसिपमा मनग्य नेपाली टोलीका सदस्य थिए ।