काठमाडौं । गायक नितेशजंग कुँवरले आफ्नो जन्मोत्सवको उपलक्ष्यमा प्रेमिका सार्वजनिक गरेका छन् । नितेशले मे २६ मा आफ्नो २८ औं जन्मोत्सव मनाए । यही छेकोमा उनले आफ्नो प्रेमसम्बन्ध सार्वजनिक गरे ।
 
गायक कुँवर लामो समयदेखि गायिका समृद्धि राईसँग गुपचुप प्रेमसम्बन्धमा थिए । तर, अन्ततः यो जोडीले आफ्नो प्रेमसम्बन्ध सार्वजनिक गरेको हो । नितेशको घरमा जन्मदिन मनाउँदै केक काट्दै गरेको भिडियोमा नितेशको बायाँ उनकी आमा थिइन् भने दायाँ समृद्धि छन् ।
 
जुन भिडियो समृद्धिले आफ्नो इन्स्टाग्रामको स्टोरीमा सेयर गरेकी छन् । यसका साथै गायक कुँवरले आफ्नो इन्स्टाग्रामको स्टोरीमा समृद्धिको अंगालोमा बाँधिएको फोटो सेयर गर्दै ‘वान विथ माई क्विन’ भन्दै लेखेका छन् । 

समृद्धिलाई मेनसन गरिएको उक्त स्टोरी पछि समृद्धिको स्टोरीमा पनि सेयर भएको छ ।