बुटवल । रूपन्देहीको तिलोत्तमा नगरपालिकामा मेयरका उमेदवार नेकपा (एमाले)का मोहन चापागाईंले अग्रता कायमै राखेका छन् । उनी निकटतम प्रतिद्वन्द्वी कांग्रेसका रामकृष्ण खाँणभन्दा करिब २०० मतले अगाडि छन् ।

पछिल्लो विवरणअनुसार २० हजार ६९५ मत गणना हुँदा चापागाईंले ८ हजार २७६ मत प्राप्त गरेका छन् । कांग्रेसबाट रामकृष्ण खाँणले ८ हजार ३८ मत प्राप्त गरेका छन् ।

उपप्रमुखमा पनि एमालेकी जागेश्वरीदेवी चौधरीले चारहजारको मतान्तरसहित अग्रता कायमै राखेकी छन् । चौधरीले ७ हजार ९८८ मत प्राप्त गर्दा उनका निकटतम प्रतिद्वन्द्वी गठबन्धनबाट माओवादी केन्द्रका हेमन्त पाण्डेले तीनहजार ७९७ मत प्राप्त गरेका छन् ।

यहाँ कांग्रेस र माओवादी केन्द्रबीच गठबन्धन भएको छ । एमाले, नेकपा (एकीकृत समाजवादी), जसपा, राष्ट्रिय जनमुक्ति पार्टी र राप्रपा छुट्टाछुट्टै उमेदवारसहित चुनावी मैदानमा छन् ।

८५ हजार बढी मतदाता रहेको तिलोत्तमामा नगरपालिकामा ६४ हजार ७२० मत खसेको थियो ।

विवादका कारणले दुई दिन रोकिएको मतगणना द्रुत गतिम चलिरहेको निर्वाचन अधिकृतको कार्यालयले जनाएको छ ।