काठमाडौं । ललितपुर महानगरपालिकामा कांग्रेस उमेदवार चिरिबाबु महर्जनले अग्रता कायमै राखेका छन् ।

उनले अहिलेसम्म गणना भएको ९७८० मतमध्ये ५६२६ मत प्राप्त गरेका छन् भने एमालेका उमेदवार हरिकृष्ण व्यन्जनकारले अहिलेसम्म २०७९ मत प्राप्त गरेको निर्वाचन आयोगले जनाएको छ ।

त्यसैगरी राप्रपाका उमेदवार अष्ठनारायण महर्जनले ५५२ मत प्राप्त गरेका छन् । उपमेयरमा भने नेकपा एमालेकी मञ्जली शाक्य अग्र स्थानमा छन् ।

उनले २५५२ मत ल्याएकी छन् भने माओवादीका बाबुराज बज्राचार्यले १८४८ मत पाएका छन् । राप्रपाकी स्वर्निमा शाक्यले भने ९२९ मत प्राप्त गरेकी छन् ।