काठमाडौं ।  हुम्लाको खार्पुनाथ गाउँपालिका र सर्केगाड गाउँपालिकाका दुई मतदान स्थलमा मतदान स्थगित भएको छ ।

सर्केगाड गाउँपालिका ७ को रोडिकोटको कोट माध्यमिक विद्यायलय र  खार्पुनाथ गाउँपालिकाको लालीको मालिका माध्यमिक विद्यालयमा मतदान स्थगित भएको जिल्ला निर्वाचन अधिकृतको कार्यालय हुम्लाका निर्वाचन अधिकृत मुक्तिनन्द रावलले जानकारी दिए ।

उनका अनुसार रोडिकोटको कोट माविमा कार्यकर्ताबीच झडप हुँदा मतदान स्थगित भएको छ । त्यस्तै खार्पुनाथमा ढुंगामुडाको स्थिति सृजना हुँदा स्थगित भएको छ ।

त्यस्तै चंखेली गाउँपालिका ६ को हिमालय माविबाट मतपेटिका ल्याउदै गर्दा उनीहरुमाथि ढुंगामुढा प्रहार गरिएको छ ।