काठमाडौं । नेपाल राष्ट्र बैंकका डेपुटी गभर्नर बमबहादुर मिश्रले खाना, नाना र छाना आयात गर्नुपर्ने स्थितिले बाह्य क्षेत्रमा चाप परेको बताएका छन् ।

बैंकको ६७औँ वार्षिकोत्सव समारोहमा बुधबार उनले केन्द्रीय बैंकको नीति आवश्यकताअनुसार कहिले लचिलो त कहिले कसिलो हुने गरेको बताए ।

कोभिड–१९ कालमा आवश्यकताअनुसार लचिलो नीति भएकाले अहिले बाह्य क्षेत्रमा दबाब बढ्दै जाँदा कसिलो बनाउनुपर्ने बाध्यता रहेको दाबी उनले गरे ।

वार्षिकोत्सवका अवसरमा पूर्वगभर्नर डा. तिलक रावललाई सम्मान गरिएको छ । राष्ट्र बैंकले वार्षिकोत्सवका अवसरमा पूर्वगभर्नरलाई सम्मान गर्दै आएको छ ।

भौतिक मुद्राको व्यवस्थापन गर्न खुलेको केन्द्रीय बैंक डिजिटज मुद्राको छलफलसम्म पुगेको पनि मिश्रले बताए ।