किभ । रुसी रक्षा मन्त्रालयले युक्रेनको राजधानी किभका वासिन्दालाई त्यहाँका विभिन स्थानमा लक्षित आक्रमणको तयारी गरिरहेको चेतावनी दिएको छ । मन्त्रालयले किभ प्रविधि केन्द्रहरूमा आक्रमण गर्न लागेको भन्दै वरपरका वासिन्दालाई सुरक्षित गन्तव्यमा जान सल्लाह दिएको छ ।

रुसी सशस्त्र फौज सवार सवारी साधनको लस्कर निरन्तर किभतर्फ बढिरहेका छन् । 

युक्रेनका राष्ट्रपति भोलोदिमिर जेलेन्स्कीले भिडियोमार्फत युरोपेली संसद्मा भाग लिँदै आफूहरूलाई कसैले टुक्रयाउन नसक्ने बताएका छन् । साथै उनले ईयूका विधायकहरूलाई युक्रेनलाई पनि ईयूमा समावेश गर्न आग्रह गरेका छन् ।

यसैगरी युक्रेनको दोस्रो ठूलो सहर खार्किभको मध्यभागमा रहेको फ्रिडम स्कवायरमा गरिएको आक्रमणको कारण भयानक विस्फोट भएको छ । यस घटनामा कम्तीमा १० जना सर्वधारणको ज्यान गएको बताइएको छ । 

यता बेलायतका प्रधानमन्त्री बोरिस जोन्सनले रुसलाई असभ्य र जथाभाबी तरिकाले आक्रमण गरिरहेको आरोप लगाएका छन् । 

बीबीसीबाट ।