काठमाडौं । आगामी शुक्रबार (फागुन २० गते)बाट प्रदर्शनको तयारीमा रहेको चलचित्र ‘लप्पन छप्पन २’को निर्माण टिमले आइतबार राजधानीमा पत्रकार भेटघाट कार्यक्रमको आयोजना गर्यो । यद्यपि, चलचित्रका केही  कलाकार कार्यक्रममा देखिएनन् । 

सिनेमाका मुख्य कलाकार सौगात मल्ल र अनुपविक्रम शाही लाखेको छायांकनको लागि मुस्ताङमा रहेकाले उपस्थित भएनन् । कार्यक्रममा सिनेमाका मुख्य अभिनेता अपर्ण थापा, शिव श्रेष्ठ र विशाल पहारी उपस्थीत कार्यक्रममा अभिनेता थापाले सिनेमाबाट आफूले धेरै अपेक्षा गरेको बताए ।

सिनेमा रिलिजको लागि थोरै समय बाँकी रहेकाले आफूहरु सिनेमालाई धेरै दर्शकसम्म पुर्याउन चुनौती रहेको अभिनेता थापाको बुझाई छ । सिनेमा राम्रो बनेको दाबी गरेका उनले दर्शकलाई निराश नबनाउने विश्वास व्यक्त गरे । 

निर्देशक मुकुन्द भट्टले ‘लप्पन छप्पन २’ पहिलो पार्टभन्दा राम्रो बनेको दाबी गरे । सिनेमाको पहिलो भागले दर्शको राम्रो साथ पाएपनि आफू सन्तुष्ट नभएका कारण आफू र दर्शक दुवैलाई सन्तुष्ट बनाउन दोस्रो पार्ट निर्माण गरेको बताए । 

सिनेमा देशमा अहिले चलिरहेको राजनितिक विषयसँग मिल्दो जुल्दो भएका कारण पनि दर्शकले नयाँपन पाउनुका साथै मनोरञ्जन पनि पाउने निर्माण पक्षले जारी गरेको विज्ञप्तिमा उल्लेख छ । 

सिनेमामा अभिनेता शिव श्रेष्ठ पहिलो पटक खराब राजनीतिज्ञको भूमिकामा प्रस्तुत् भएका छन् । उनले पत्रकारसँग आफ्नो ४० वर्ष लामो सिनेमा करिअरमा पहिलो पटक फरक र चुनौतीपूर्ण भूमिका निवार्ह गर्ने अवसर पाएको बताए । उनले भने, “सिनेमामा अभिनय गरेका सवै सुपरस्टार भएपनि आफू भने सामान्य कलाकार मात्रै भएको बताए । म ४० वर्षदेखि सिनेमा क्षेत्रमा छु । अझैपनि मैले धेरै कुरा सिक्दै छु । यो सिनेमाबाट पनि मैले नयाँ कुरा सिक्न पाएँ । मैले सवैभन्दा धेरै आश गरेको सिनेमा पनि यही नै हो ।”