काठमाडौं । नेपाली चलचित्रका नायक पल शाह तनहुँ पुगेका छन् । उनको मोबाइल अहिले अफ भए पनि केही बेरअघिको लोकेसन तनहुँ देखिएको जनाइएको छ ।

उनले आजै जिल्ला प्रहरी कार्यालय तनहुँमा पुगेर ‘आत्मसमर्पण’ गर्ने तयारी गरेका छन् ।

गएको बुधबार उनीविरुद्ध एक १७ वर्षीया गायिकाले जबरजस्ती करणी मुद्दामा उजुरी दिएकी छन् । त्यसपछि पलको खोजीमा प्रहरी टोली जुटेको थियो ।

पलले आज मात्रै नेपालको कानुनलाई सम्मान गर्दै आज नेपाल प्रहरीसामु आफैँ उपस्थित हुने सामाजिक सञ्जाल फेसबुकमार्फत जानकारी गराएका थिए ।