काठमाडौं । लोकगायक जयनन्द लामाको निधन भएको छ । ‘हल्का रमाइलो’ टेलिश्रृंखलामा सँगै काम गरेका मरिचमान श्रेष्ठ (बल्छी ध्रुवे)ले लामाको निधन भएको बताएका छन् ।

वि.सं. २०१३ सालमा सिन्धुपाल्चोकको बाह्रबिसेमा जन्मिएका लामाले लामो समय लोकगीत-संगीतको विधामा अध्ययन तथा अनुसन्धान गरेका थिए । 

उनले गाएका 'कलकत्ते काइँयो...', 'चुइँ चुइँ चुइँकने जुत्ता...', 'सलल पानी...',  'हेर्दामा राम्रो..., 'सुर्तीको ठुटो...', 'मुलाको चाना...' लगायत थुप्रै लोकगीत लोकप्रिय छन् । 

सर्जक तथा स्रष्टाहरुले उनको निधनले नेपाली लोकगीत-संगीतको क्षेत्रमा अपूरणीय क्षति पुगेको बताएका छन् । गायनसँगै उनी अभिनयमा पनि सक्रिय थिए । उनले दजनौँ चलचित्रमा अभिनय गरेका थिए ।