काठमाडौं । नेकपा (माओवादि केन्द्र) अध्यक्ष पुष्पकमल दाहाल 'प्रचण्ड' र कलाकारहरूबीच भेटवार्ता भएको छ । बिहीबार कलाकार सन्दीप क्षेत्री, गायक राजेश पायल राई, संगीतकार चेतन सापकोटा, रीता सापकोटा, मोडल करिश्मा ढकाल र गायिका कल्पना दाहाल प्रचण्ड निवास खुमलटार पुगेका हुन् ।

सबै सँगै गएपनि कलाकारहरू प्रचण्डसँग एक्लैएक्लै भेट गरेको उनकी स्वकीय सचिव गंगा दाहालले जानकारी दिइन । प्रचण्डसँग अलग–अलग भेटेर कलाकारहरूले समग्र कलाकारिता र केही राजनीतिक कुराहरू पनि गरेका छन् ।

संगीतकार सापकोटाको अग्रसरतामा प्रचण्ड र कलाकारहरूबीच भेटवार्ता भएको हो ।

बुधबार बानेश्वरमा विभिन्न ६ राजनीतिक दलले एमसीसी विरुद्धमा प्रदर्शन गरेका थिए । जसमा संगीतकार सापकोटा पनि सहभागी थिए ।