भेराइटी । ओस्कर २०२२ को नोमिनेसनको सूची सार्वजनिक भएको छ । सार्वजनिक सूचीमा नेटफ्ल्क्सिको ‘द पावर अफ द डग’ १२ विधासहित अग्रस्थानमा पर्न सफल बनेको छ । चलचित्रले एक संशोधनवादी पश्चिमी जनराको प्रयोग गरेर विषाक्त पुरुषत्वको चित्रण गर्न खोजेको छ । 

त्यस्तै अर्को चलचित्र ‘ड्युन’ १० विधामा पर्न सफल बन्दै दोस्रो स्थानमा आएको छ । लोकप्रिय साइन्स फिक्सन उपन्यासको फराकिलो रूपान्तरण यो चलचित्र कुनै समय चलचित्रमा उतार्न नमिल्ने पनि भनिएको थियो ।

स्टिभन स्पिलबर्गको मनमोहक संगीतमा आधारित रोमान्टिक म्युजिकल ड्रामा ‘वेस्ट साइड स्टोरी, र केनेथ ब्रेनाको सेमि–अटोबायोग्राफिकल, कमिङ–अफ–एज कथा ‘बेलफास्ट’ प्रत्येकले सातवटा नामांकन प्राप्त गरे । 

माथि उल्लेखित चार चलचित्रसहित ‘कोडा,’ ‘डन्ट लुक अप,’ ‘ड्राइभ माई कार,’ ‘किङ रिचार्ड,’ ‘लिकोरिस पिज्जा,’ र ‘नाइटमेयर एले’ उत्कृष्ट चलचित्र विधामा नोमिनेसनमा परेका हुन् ।

चलचित्र उद्योग एउटा ठूलो उथलपुथल र रूपान्तरणको अवधिमा हुँदा यो नै सबै चलचित्रका लागि एउटा उत्सव हो । कोरोना महामारीले यी चलचित्रको बक्स अफिसलाई नराम्रोसँग खस्काएको छ । अर्थात थुप्रै विधामा नोमिनेसनमा परेर शीर्ष ओस्कर दाबेदार भनिएका चलचित्रहरूले पनि हल रिलिजको समयमा थुप्रै पैसा गुमाएका छन् । ‘वेस्ट साइड स्टोरी,’ ‘बेलफास्ट’ र ‘नाइटमेयर एले’ धेरै चलचित्रहरूमध्ये थिए जसले टिकट बिक्रीमा क्रिटिकल रेभ्सलाई रूपान्तरण गर्न असफल भए ।

मंगलबार सार्वजनिक भएको ओस्कर नोमिनेसनले थुप्रै इतिहास पनि रचेको छ । निर्देशन जेन क्याम्पियन, दुई वटा चलचित्रबाट उत्कृष्ट निर्देशकको नोमिनसनमा पर्ने पहिलो महिला बनिन् । 

‘बेलफास्ट’सहित ब्र्राना सात विभिन्न विधामा सात ओस्कर नोमिनेसनमा पर्ने पहिलो व्यक्ति बने । उनी निर्देशन, निर्माण र ओरिजिनल स्क्रिनप्ले लेखनका लागि मनोनयनमा परेका छन् । यसअघि उनले ‘हेनरी भी’ का लागि उत्कृष्ट अभिनेता र उत्कृष्ट निर्देशकको नोमिनेसनमा परेका थिए ।

त्यस्तै ‘स्वान संग’ का लागि उत्कृष्ट लाइभ–एक्शन सर्ट फिल्म, ‘माई विक विथ मेयरलिन’ का लागि उत्कृष्ट सहायक अभिनेता र ‘ह्यामलेट’ का लागि उत्कृष्ट रूपान्तरित पटकथाको लागि ओस्कर नोमिनेसन प्राप्त गरिसकेका छन् । 

‘कोडा’ स्टार ट्रोय कोत्सुर आफ्नो सह–कलाकार, मार्ली माटलिनको पाइला पछ्याउँदै, ‘चिल्ड्रेन अफ ए लेसर गड’मा उनको मुख्य भूमिकाका लागि ओस्कर जित्ने बहिरा पात्रका लागि मनोनीत हुने दोस्रो बहिरा अभिनेता बने । 

‘बिइङ द रिकार्डोज’ का जाभियर बर्डेम र ‘प्यारालल मडर्स’ का पेनेलोपी क्रुज एकै वर्षमा अभिनयका लागि मनोनीत हुने छैटौँ विवाहित जोडी बने ।

त्यस्तै थुप्रै नोमिनेसनले इतिहास रचेका छन् त कतिले चलचित्रकर्मीलाई चकित बनाएका छन् ।

४९औँ ओस्कर अवार्ड यही मार्च २७ मा हलिउडको डल्बी थिएटरमा आयोजना हुँदैछ । व्यक्तिको उपस्थितिमा हुने समारोह भने एबीसी टेलिभिजनबाट प्रसारण हुने छ । पछिल्लो तीन वर्षयता ओस्करमा पहिलोपटक होस्ट हुने छ ।