हलिउड । गायिका रिहाना पहिलो सन्तानको पर्खाइमा छिन् । अर्थात यी चर्चित गायिका गर्भवती छिन् । पहिलो सन्तानको पर्खाइमा रहेकी रिहाना र उनका प्रेमी निकै खुसी देखिएका छन्, त्यसैले त न्यूयोर्क सहरको चिसोले रिहानालाई छुनै सकेको छैन । पिंक लंग ज्याकेटको बटम खोलेर बेबी बम्प देखिने क्रप टिसर्टमा रिहाना पापराजीको क्यामेरामा कैद भएकी छन् । 

३३ वर्षिय गायिका प्रेमी र्‍यापर एस्याप रकीको पहिलो सन्तानको पर्खाइमा छन् । यही विकेन्डमा पिंक ज्याकेटमा बेबी बम्प देखाउँदै प्रेमी रकीसँग न्यूयोर्कमा पापराजीको क्यामेराको कैद भएका हुन् । कुनै फोटोमा एकअर्काको हात समाइरहेको देख्न सकिन्छ भने कुनैमा र्‍यापर रकीले रिहानाको निधारमा चुम्बन गरेको प्रेमिल फोटो देख्न सकिन्छ । 

रिर्पोटका अनुसार केहीवर्षको मित्रतापछि सन् २०२० को नोभेम्बरदेखि उनीहरु एकअर्कालाई डेट गर्न थालेका हुन् । त्यसको एकवर्षपछि र्‍यापर रकीले रिहानासँग प्रेमसम्बन्ध रहेको स्वीकारेका हुन् । रिहानालाई डेट गरिरहेको खुलाउँदै उनले भनेका थिए, “एकदम रमाइलो महसुस भैरहेको छ । तपाईंले त्यो एकजना व्यक्ति जीवनमा पाउँदा एकदमै राम्रो महसुस हुने रहेछ ।”

उनले केही समयअगाडि अबको १० वर्षमा ३,४ जना सन्तान पाउने घोषणा गरेकी थिइन् । यसका साथै र्‍यापर रकीले आफू राम्रो बुबा हुने पनि बताएका छन् । पिपल